|
“Swimbad”alternatyf foar maaitiidsnota ôfstimd |
|
zondag, 11 juli 2010 |
|
De FNP wol dat it swimbad yn Frjentsjer iepen bliuwt en is der poer op tsjin om no te beslúten dat der yn 2014 besúnige wurde moat op sport, biblioteek en oare sosjaal kulturele ynstellings. Dit binne saken dy’t tige wichtich binne foar de leefberens en it toerisme yn ús gemeente.
In besúniging tariede dogge jo net troch “oan de beam te skodzjen en te kiezen foar de appels dy’t it earst falle”. Jo moatte begjinne mei it ûntwikkeljen fan in goede fisy op de takomst en dan alle beliedsfjilden besjen om dêrnei middels in diskusje ta in kar te kommen. “It giet derom de beste appels yn de koer te hâlden.”
Yn de maaitiidsnota fan it kolleezje sit safolle romte dat de FNP maklik in alternatyf mearjierrenbyld útwurkje koe sûnder besúnigings op swimbad, sport, bilioteek en oare sosjaal kulturele foarsjennings. “Se reservearje € 750.000 foar nij noch yn te foljen belied, mar litte de 80.000 minsken die jierliks gebrûk meitsje fan it swimbad no droech stean.” Mei it ynstjinnen fan in ammendemint besocht de hear de Haan no de skea te beheinen foar it swimbad, en de oare ynstellings. Tagelyk wie it in foarstel foar in proses om op in deeglike manier, fanút in fisy, te kommen ta besúnigingsfoarstellen wêrby alle beliedsfjilden besjoen wurde moatte soenen.
De koalysjepartijen keazen der lykwols foar om star fêst te hâlden oan it kolleezjefoarstel om’t dat no ien kear ôfpraat is yn it koalysje akkoart. GB soe it ammendemint fan de FNP “graach stypje wolle”, mar koe dat net om’t se it earder sjen wollen hienen, de PvdA miende dit kear dat it mooglik is it swimbad iepen te hâlden mei in besúniging fan 3 ton en de VVD kikkerts waarden troch in hurd ynlaske koalysje oerlis noch krekt yn de kroade hâlden. It FNP ammendemint is mei 10 tsjinstimmen (en dus 9 foar) fersmiten. It is wol dúdlik wurden dat njonken de opposysjepartyen ek de VVD it swimbad eins leaver iepen hâlde wol. Oan de FNP sil it yn elts gefal net lizze!
|
|
|
zondag, 28 februari 2010 |
|
Tusken 2010 en 2014 wolle wy:
|
dat der op ‘e nij jild komt foar it útfieren fan doarpsfisys
|
|
dat er weer geld beschikbaar komt voor het uitvoeren van de dorpsvisies |
fertutearze gebouwen yn stêd (û.o. Sjaardemastraat) en doarp oanpakke
|
|
vervallen panden in stad (o.a. Sjaardemastraat) en dorp opknappen |
de foarsjenningen yn de doarpen op peil hâlde ek al rint de befolking yn tal tebek en wurdt dizze âlder
|
|
de voorzieningen in de dorpen op peil houden ook al is er sprake van krimp en vergrijzing van de bevolking |
it toerisme fuortsterkje mei Frjentsjer as stêd fan keatsen en kultuer en it sintrum foar de noardelike alvestêderûte
|
|
het toerisme bevorderen met Franeker als stad van kaatsen en cultuur en het centrum voor de noordelijke elfstedenroute |
in eigen plak foar de jongerein en in ta de ferbeelding sprekkend útgeanssintrum yn Frjentsjer
|
|
een eigen plek voor de jeugd en een uitgaanscentrum in Franeker dat tot de verbeelding spreekt
|
| fûleindich stride tsjin alles wat boaiemdelgong feroarsaket en de kwaliteit fan lucht en boaiem bedriget |
|
met veel inzet strijden tegen alles wat verzakking van de bodem tot gevolg heeft en de kwaliteit van lucht en bodem bedreigt |
|
|
|
De FNP makket har ‘PUNTSJES’ dúdlik |
|
maandag, 01 februari 2010 |
|
De Fryske Nasjonale Partij (FNP) is har ferkiezingskampanje útein set mei in stedskuier yn Frjentsjer. De stedsgidsen binne terjochte útroppen ta “Groot Franeker” fan 2009. De stedspromoasje is in wichtich spearpunt yn it ferkiezingsprogramma fan de FNP.
In moaie kombinaasje om de FNPuntsjes ferspraat troch Frjentsjer kenber te meitsjen.
De start fan 'e kuier wie by Museum Martena, dêr’t de FNP fuortendaliks har earste punt makke: De stêd as stjer promoate. De FNP stipet it plan om de stedspromoasje te profesjonalisearjen. Frjentsjer is ien fan de seis kulturele kearnen yn Fryslân. Boppedat wurdt besocht de alve stêden op de “Werelderfgoedlijst” fan de Unesco te krijen. De stedspromoasje moat dêrom, yn goed oerlis mei alle frijwilligers dy’t har ynsette om Frjentsjer ta de “Ster van de Elf Steden” te meitsjen, profesjoneel oanpakt wurde.
 |
 |
Dêrnei gyng de tocht ûnder lieding fan stedsgids Tj. Jaasma nei de daam by it Oud Kaatsveld. Dêr makke de partij har twadde punt: Op dit stee in flapbrêge. De FNP wol dy wetterwegen dêr ’t de rekreaasjefeart fan belang is, foarrang jaan by de útfiering fan it baggerplan. Yn dit ramt past ek in flapbrêge yn de daam oan it ein fan de Dijkstraat. De wettersporttoerist berikt sa folle ienfâldiger de noardlike alvestêderûte. Boppedat hoecht Saakstra’s brêge dan net mear iepen en dat is folle better foar de trochgeande ferkearsstream nei de yndustryterreinen East en Súd en de Alvestêdewyk.
De FNP is bliid mei de gemeentlike oanpak fan de ‘rottige kiezzen’. Yn tal fan doarpsfisys wurde dizze fertutearze gebouwen as in grut probleem foar de leefberens sjoen. Mar ek yn de stêd Frjentsjer is in plak dêr’t sa'n rotte kies nochal foar argewaasje soarget. En dêr makke de FNP dan ek har lêste punt foar de stêd Frjentsjer: FNP foar stee okee.
De FNP fynt dat der wat barre moat mei it leechsteande gebou njonken it Sjûkelân en hat yn de kommisjegearkomste fan 21 jannewaris it idee nei foaren brocht foar in hotel op dit plak. De partij tinkt dat in hotel of hostel op dizze lokaasje fan grutte wearde wêze kin foar de ekonomy fan Frjentsjer.
Nei in lyts petear mei de parse oer 't ferkiezingsprogramma fan de FNP is de partij dus begûn oan harren kampanje. De kommende wiken sil de FNP ek yn in tal doarpen har FNPuntsjes meitsje.
De aksjepunten fan de FNP binne werom te finen op ynternet: www.fnp-frjentsjerteradiel.nl.
Dêr is bygelyks ek de skôging en it ferkiezingsprogramma te lêzen mei de wichtichste spearpunten foar de kommende fjouwer jier.
Ek is dêr de kandidatelist te besjen. |
|
|
zaterdag, 27 februari 2010 |
|
Sa at jo al earder lêze koene is sittend wethâlder Bram Bonnema út Frjentsjer op ’e nij listlûker foar de FNP Frjentsjerteradiel. Bonnema is ek wer beskikber as wethâlder. Sittend riedslid Jan Dijkstra fan Hitsum is de nûmer twa op ‘e list. Nij op ‘e list binne de nûmers trije en fjouwer. De FNP wol se graach efkes oan jo foarstelle.
Sietze de Haan stiet op it tredde plak. Wennet yn Frjentsjer, troud mei Sippy en hat trije bern en ien pakesizzer. Yn it deistich libben is hy finansjeel en plakferfangend algemien direkteur bij NV Empatec. As frijwilliger is Sietze aktyf west yn ferskate bestjoerlike funksjes by it fuotbal en tennis. Dêrneist hat hy ek as frijwilliger in protte jierren foarsitter west fan twa basisskoallen en dernei fan in feriening foar Protestant Kristlik Basisûnderwiis (12 skoallen). As riedslid wol er him graach dwaande hâlde mei ûnderwiis, wurkgelegenheid, sport en wolwêzen (sosjaler en minskliker meitsjen fan de maatskippij). Fansels sil hy ek de jildsaken behertigje. Troch syn ûnderfining fan út it wurk en de ferskate ferieningsfunksjes wie Sietze al polityk ynteressearre. Hy hopet fan tafoege wearde te wêzen troch de te behannelje ûnderwerpen fan út in oare kiker te besjen. Sietze is fan miening dat we der foar soargje moatte dat der bliuwend omtinken is foar de doarpen. De doarpen binne net te ferlykje mei de stêd Frjentsjer, mar fertsjinje itselde omtinken. Hij sil him ynsette foar in goede leefbere stêd Frjentsjer en omkriten. Foar frijwilligers moat ek omtinken wêze. Klups, ferienings mar wis ek de gemeente kin net sûnder minsken die yn har frije tiid wat foar in oar betsjutte wolle. Dit moatte wij koesterje. As lêste freget Sietze omtinken foar de minima. Dit mei him net allinne taspitse yn mear jild, mar wy moatte just mear ynvestearje om foarte kommen dat minsken út ús gemeente “minima” wurde.
 Gea Iedema-Zondervan is de nûmer fjouwer op list 3 fan de FNP.
Se is hikke en tein yn Frjentsjer, troud en hat twa bern. Se wurket as bedriuwsliedster bij Wever Van Wijnen BV te Frjentsjer (Verzendboekhandel & Antiquariaat). Fan 2006 - 2009 hat se derneist noch in stúdzje dien oan Stenden Hegeskoalle yn Ljouwert. Se hat ûnderfining yn ferskate bestjoeren op maatskiplik mêd, bygelyks Humanitas (Roubegelieding) en it Astmafonds, mar ek yn 'e sport by NeVoBo, (rayon Middelsee) en follybalferienings. Gea woe nei har stúdzje har wer op 'e nij ynsette foar de maatskippij. De FNP hat har frege om dat dan yn 't belang fan de party te dwaan. Sadwaande stiet se no op de list! Persoanlik wol sy in pontsje wêze dat hinne en wer fart tusken boargers en gemeente en fan beide wat meinimt en útwikselt. Har politike ynteresse giet yn 't foarste plak út nei taal, kultuer, jeugd en wolwêzen. As gemeente Frjentsjerteradiel, mei Frjentsjer as it sintrum, kinne we allinnich strielje as de ynwenners ek strielje. De ynwenners moatte grutsk wêze/wurde op harren wenplak en op elkoar. En der kin altyd noch wol wat ferbettere wurde. Allinnich kinne jo dat net, dat moat mei-inoar. Derom is it ek goed dat ferienings dy ’t foar de stêd Frjentsjer yn tou binne en no mei-inoar, en mei profesjonele stipe, Frjentsjer ta de ‘Ster van de Elf Steden’ promoate wolle.
|
|
|
vrijdag, 22 januari 2010 |
|
De FNP stiet foar syn saak
Nei in diskusje fan oardel jier is it ynfieren fan Fryske plaknammen noch net ta in útdragen saak kommen. De FNP-frakjse koe it foarstel fan it kolleezje oer in referindum gjin stipe jaan, omdat ien en oar net goed útwurke wie. Net dúdlik wie wat it ynfieren kostje moast en ek de foarljochting oan de boarger wie net regele en net objektyf. It foarstel fan CU en PvdA om dan mar allinne Fryske plaknammen op de kombuorden yn de doarpen te setten en dêr in referindum oer te hâlden waard troch de FNP-fraksje as “healslachtich” beoardiele.
De feiten: |
|
Lês mear...
|
|
|
|
<< Start < Foarige 1 2 3 4 5 Folgjende > Ein >>
|
| Resultaten 1 - 6 of 25 |
